ရန်ကုန်မြို့၊ ဒဂုံမြို့နယ်၊ ဦးဝိစာရလမ်းနှင့် ပြည်လမ်းကြားတွင် လမ်းလျှောက်သင်္ကြန်ကို ထည့်သွင်းကျင်းပမည်ဖြစ်ကြောင်း ရန်ကုန်မြို့တော် စည်ပင်သာယာရေးကော်မတီ၊ အင်ဂျင်နီယာဌာန(အဆောက်အအုံ)မှ သိရသည်။အဆိုပါ နေရာ၌ မဏ္ဍပ်များတည်ဆောက်ထားရှိမှုတွင် (၉၅)ရာခိုင်နှုန်းအထိ ပြီးစီးနေပြီဖြစ်ကြောင်း သိရသည်။ထိုနေရာတွင် ယာဉ်အသွားအလာများကို ကန့်သတ်သွားမည်ဖြစ်ပြီး၊ လမ်းလျှောက်သွားလာသူများအတွက် အဆင်ပြေစေရန် စီမံကိန်းများကိုလည်း ဆောင်ရွက်ထားကြောင်း သိရသည်။ သင်္ကြန်ကာလအတွင်း ပြည်သူများအနေဖြင့် သတ်မှတ်ထားသော စည်းကမ်းများကို လိုက်နာကြပြီး အန္တရာယ်ကင်းရှင်းစွာ ပါဝင်ကြရန် သက်ဆိုင်ရာအဖွဲ့အစည်းများက တိုက်တွန်းထားသည်။
