ဂျပန်တွင် အမျိုးသမီးများကို လိင်ဖျော်ဖြေရေးလုပ်ငန်းများသို့ ပို့ဆောင်ပေးသည့် ဂိုဏ်းခေါင်းဆောင်ကို ထောင်ဒဏ်ချမှတ်

ဂျပန်နိုင်ငံ၊ တိုကျိုခရိုင်တရားရုံးက အမျိုးသမီး ၁၀ ဦးအား လိင်ဖျော်ဖြေရေးလုပ်ငန်းများနှင့် ချိတ်ဆက်ပေးခဲ့ပြီး ရရှိလာသည့် အကျိုးအမြတ်များကို ထိန်ချန်ထားမှုဖြင့် "Access" အမည်ရှိ လူစုဆောင်းရေးဂိုဏ်း၏ ခေါင်းဆောင်ဖြစ်သူ အသက် ၃၄ နှစ်အရွယ် Kazuma Endo ကို မတ်လ ၂၆ ရက်နေ့တွင် ထောင်ဒဏ် ၄ နှစ်နှင့် ၆ လ ချမှတ်လိုက်ကြောင်း သိရသည်။ တရားသူကြီးက တရားခံ၏ လုပ်ရပ်မှာ အမျိုးသမီးများ၏ ဂုဏ်သိက္ခာကို ထိခိုက်စေပြီး လူမှုကျင့်ဝတ်ကို ပျက်ပြားစေသည့်အတွက် လွန်စွာဆိုးရွားကြောင်း ပြောကြားခဲ့ကာ၊ ထောင်ဒဏ်အပြင် ဒဏ်ငွေ ယန်း ၄ သန်း ပေးဆောင်ရန်နှင့် မတရားရရှိထားသည့် ငွေကြေး ယန်း ၈၁.၃ သန်းခန့်ကိုလည်း သိမ်းဆည်းရန် အမိန့်ချမှတ်ခဲ့ကြောင်း သတင်းတွင် ဖော်ပြထားပါသည်။