မကွေးတိုင်းဒေသကြီး၊ ပခုက္ကူမြို့ရှိ ရှေးဟောင်းသမိုင်းဝင် သီဟိုဠ်ရှင်မြတ်စွာဘုရားစေတီတော်ကြီး ရွှေသင်္ကန်း ကပ်လှူပူဇော်ပြီးစီးမှု အထိမ်းအမှတ်အဖြစ် ပွဲတော်ကို မတ်လ ၂၇ ရက်ကနေ ဧပြီ ၇ ရက်အထိ စည်းကား သိုက် မြိုက်စွာ ကျင်းပသွားမှာဖြစ်တယ်လို့ ဘုရားကြီးဂေါပကအဖွဲ့ကနေ သိရပါတယ်။အဲဒီ ရှေးဟောင်းသမိုင်းဝင် သီဟိုဠ်ရှင်မြတ်စွာဘုရားစေတီတော်ကြီး လုံးတော်ပြည့် ရွှေသင်္ကန်း ကပ်လှူပူဇော်တဲ့ လုပ်ငန်းကို ပြီးခဲ့တဲ့ ၂၀၂၅ ခုနှစ် အောက်တိုဘာလက စတင်ခဲ့တာဖြစ်ပြီး အခုနှစ် ဖေဖော်ဝါရီလမှာ ရာနှုန်းပြည့် ပြီးစီးခဲ့ပြီ ဖြစ်တယ်လို့ ဆိုပါတယ်။ အထိမ်းအမှတ်ပွဲတော်အဖြစ် ပထမနေ့မှာ အောင်ပွဲအထိမ်းအမှတ်ဖွင့်ပွဲနဲ့ ဆည်းဆာတရားပွဲတော်ကို ဘုရားကြီး မြောက်ဘက်မုခ်ဦးမှာ ကျင်းပမှာဖြစ် ဧပြီလ(၁)ရက်မှာ ဘုရားအနေကဇာတင်ဗုဒ္ဓပူဇနိယပွဲတော်နဲ့ ပင့်သံဃာတော် (၁၀၈)ပါကို ဆွမ်းဆန်တော်လောင်းလှူပွဲ ကျင်းပသွားမှာ ဖြစ်ပါတယ်။
