ရန်ကုန် ကိုးမိုင်ရှမ်းကျောင်းတွင် ရှမ်းသင်္ကြန်အကြိုပွဲတော်ကို ဧပြီ ၄ ရက်၌ စည်ကားသိုက်မြိုက်စွာ ကျင်းပမည်

ရန်ကုန်မြို့ရှိ ရှမ်းတိုင်းရင်းသားများ၏ ရိုးရာယဉ်ကျေးမှုကို ထိန်းသိမ်းရန်နှင့် ချစ်ကြည်ရင်းနှီးမှု တိုးမြှင့်ရန်ရည်ရွယ်၍ ရှမ်းသင်္ကြန် (အကြို) အခမ်းအနားကို လာမည့် ဧပြီလ ၄ ရက်တွင် ရန်ကုန်မြို့၊ ကိုးမိုင်ရှိ ရှမ်းကျောင်း၌ ကျင်းပသွားမည်ဖြစ်သည်။ အဆိုပါပွဲတော်ကို မွန်းလွဲ ၂ နာရီမှ ည ၇ နာရီအထိ ကျင်းပမည်ဖြစ်ပြီး တက်ရောက်လာသူများအနေဖြင့် ရှမ်းပင်နီရောင်ဝတ်စုံအပါအဝင် ရိုးရာဝတ်စုံများကို အရောင်အသွေးစုံလင်စွာ ဝတ်ဆင်ဆင်နွှဲကြရန် ဖိတ်ခေါ်ထားသည်။ ဤပွဲတော်သည် ရန်ကုန်မြို့အတွင်း ရှမ်းပြည်နယ်၏ သင်္ကြန်အငွေ့အသက်များကို ခံစားနိုင်မည့်အပြင် တိုင်းရင်းသားရိုးရာ ဝတ်စုံအလှပများကို တစ်နေရာတည်းတွင် မြင်တွေ့ရမည့် ထူးခြားသည့် အခမ်းအနားတစ်ခု ဖြစ်လာမည်ဖြစ်ကြောင်း သိရှိရပါသည်။