ထိုင်းဗီဇာကင်းလွတ်ခွင့်ကို ရက် ၆၀ မှ ၃၀ သို့ ပြန်လည်လျှော့ချရန် စီစဉ်နေ

ထိုင်းနိုင်ငံခြားရေးဝန်ကြီးဌာနသည် နိုင်ငံခြားသားများအတွက် ဗီဇာကင်းလွတ်ခွင့်ဖြင့် နေထိုင်နိုင်သည့်ကာလကို ရက်ပေါင်း ၆၀ မှ ၃၀ သို့ ပြန်လည်လျှော့ချရန် အဆိုပြုထားကြောင်း သိရသည်။ ယခင်အစိုးရလက်ထက်က ခရီးသွားလုပ်ငန်းမြှင့်တင်ရန် ရက် ၆၀ ခွင့်ပြုခဲ့သော်လည်း အွန်လိုင်းငွေလိမ်ဂိုဏ်းများနှင့် အခြားမသမာသူများက ဥပဒေဟာကွက်ကို အသုံးချနေခြင်းကို တားဆီးရန် ယခုကဲ့သို့ ပြင်ဆင်ရန် စီစဉ်ခြင်းဖြစ်ကာ လိုအပ်ပါက နောက်ထပ်ရက် ၃၀ သက်တမ်းတိုးနိုင်မည်ဖြစ်သည်။ တစ်ဖက်တွင်လည်း ထိုင်းနိုင်ငံ၌ ဖြစ်ပေါ်နေသော လောင်စာဆီအရန်သင့်ရှိမှုအပေါ် ပြည်သူများက ယုံကြည်မှုနည်းပါးနေပြီး NIDA ၏ စစ်တမ်းအရ ဖြေဆိုသူ ၁၄ ဒသမ ၈၀ ရာခိုင်နှုန်းက ဆီပြဿနာကြောင့် လာမည့်ဧပြီလ ဆုန်ကရန်သင်္ကြန်ခရီးစဉ်များကို ဖျက်သိမ်းရန် စဉ်းစားနေကြသဖြင့် ယခုနှစ်ရက်ရှည်ကျင်းပမည့် ပွဲတော်အပေါ် ရိုက်ခတ်မှုရှိနိုင်ကြောင်း  သိရှိရပါသည်။