ဘန်ကောက်ခေါက်ဆန်လမ်း ဆုန်ခရန်ပွဲတော် လုံခြုံစိတ်ချစွာကျင်းပနိုင်ရေး စည်းကမ်းချက် ၅ ချက်ဖြင့် ပြင်ဆင်နေ

ဘန်ကောက်မြို့တော်အုပ်ချုပ်ရေးဌာန (BMA) နှင့် သက်ဆိုင်ရာဌာနများသည် ၂၀၂၆ ခုနှစ် ခေါက်ဆန်လမ်း ဆုန်ခရန်ပွဲတော်ကို လုံခြုံဘေးကင်းစွာ ကျင်းပနိုင်ရန်အတွက် မတ်လ ၁၉ ရက်တွင် ညှိနှိုင်းအစည်းအဝေးပြုလုပ်၍ ကြိုတင်ပြင်ဆင်မှုများ ဆောင်ရွက်လျက်ရှိသည်။ ပွဲတော်အတွင်း လူစုလူဝေးပြည့်ကျပ်မှုမရှိစေရန် အဝင်အထွက်လမ်းကြောင်းများ စနစ်တကျသတ်မှတ်ခြင်း၊ CCTV ၂၄ နာရီတပ်ဆင်ခြင်းနှင့် အရေးပေါ်ထွက်ပေါက်များ ပြင်ဆင်ခြင်းတို့ကို လုပ်ဆောင်ထားသည့်အပြင် ရေအားပြင်းသေနတ်မသုံးရ၊ အရက်မသောက်ရ၊ အဝတ်အစားလုံခြုံရ၊ ပေါင်ဒါမသုတ်ရနှင့် လက်နက်မကိုင်ဆောင်ရဟူသော စည်းကမ်းချက် ၅ ချက်ကို ထုတ်ပြန်ထားသည်။ ထို့ပြင် ခရီးသွားများအတွက် လမ်းညွှန်ဆိုင်းဘုတ်များ စိုက်ထူခြင်းနှင့် ရှေးဦးသူနာပြုအဖွဲ့များ အသင့်ချထားခြင်းတို့ဖြင့် ပွဲတော်ကာလအတွင်း လုံခြုံရေးအင်အားအပြည့်အဝဖြင့် စောင့်ကြပ်သွားမည်ဖြစ်ကြောင်း သိရှိရပါသည်။