ချန်ပီယံ ရှမ်းယူနိုက်တက်အသင်း တောင်ကြီးဗုဒ္ဓတက္ကသိုလ်တွင် အောင်ပွဲအထိမ်းအမှတ် ဆွမ်းကပ်လှူဒါန်း

မြန်မာနေရှင်နယ်လိဂ်ချန်ပီယံ ရှမ်းယူနိုက်တက်အသင်းသည် ၎င်းတို့၏ အောင်ပွဲအထိမ်းအမှတ်အဖြစ် မတ်လ ၁၉ ရက်နံနက်ပိုင်းတွင် တောင်ကြီးမြို့ရှိ ရှမ်းပြည်နယ်ဗုဒ္ဓတက္ကသိုလ် (SSBU) ၌ စုပေါင်းကုသိုလ်ဒါန ပြုလုပ်ခဲ့သည်။ အဆိုပါအခမ်းအနားတွင် အသင်းအုပ်ချုပ်မှုအဖွဲ့နှင့် ကစားသမားများက အောက်စဖို့ဒ်ဆရာတော် ပါမောက္ခ ဒေါက်တာ ဘဒ္ဒန္တဓမ္မသာမိထံမှ ဩဝါဒခံယူခဲ့ကြပြီး တက္ကသိုလ်ရှိ သံဃာတော်များအား နေ့ဆွမ်းဆက်ကပ်လှူဒါန်းကာ ရရှိသောကုသိုလ်အဖို့ဘာဂများကို ပရိသတ်များထံသို့ ပြန်လည်မျှဝေခဲ့ကြကြောင်း သိရှိရပါသည်။