ရန်ကုန်တိုင်း၊ရွှေဘုံသာလမ်း(အလယ်ဘလောက်)တွင် ကုဒရ်ညမြတ် အထိမ်းအမှတ်အနေဖြင့် လူဦးရေ ငါးထောင်စာ စတုဒီသာအလှုပြုလုပ်

ရန်ကုန်တိုင်း၊ရွှေဘုံသာလမ်း(အလယ်ဘလောက်)တွင် ကုဒရ်ညမြတ် အထိမ်းအမှတ်အနေဖြင့် လူဦးရေ ငါးထောင်စာ စတုဒီသာအလှုပြုလုပ်ခဲ့သည်ဟုသိရပါသည်။ ည ၁၀ နာရီကျော်မှစတင်ကာ ရွှေဘုံသာလမ်း(အလယ်ဘလောက်)တွင် လူဦးရေငါးထောင်စာ ထမင်း၊ဟင်းနှင့် ပဲဟင်းတို့ လှုဒါန်းကျွေးမွေးခဲ့သည်။"ကိုကျော်ဆန်းဝင်းတို့ ဦးစီးတဲ့အဖွဲ့က လူဦးရေငါးထောင်စာ နို့နဲ့ချက်ထားတဲ့ထမင်း၊ အမဲသားဟင်းနဲ့ ပဲဟင်းကျွေးတာပါ။လူဦးရေ ငါးထောင်စာကို ကျွေးတာပါ"ဟု ရွှေဘုံသာလမ်းနေသူတစ်ဦးက ပြောကြားသည်။ ရန်ကုန်မြို့အတွင်း ရွေဘုံသားလမ်းအပြင် ၂၇ လမ်း၊ အောင်တေဇလမ်း၊ ၅၂ လမ်းနှင့် ဖို့မြေလမ်းတို့တွင် စတုဒီသာအလှုပြုလုပ်ခဲ့ကြောင်း သိရသည်။