လက်ရှိပုံစံအတိုင်းဆိုရင် ကွန်းဖရန့်လိဂ်ယှဉ်ပြိုင်ခွင့်ရရင်ပဲ ပျော်ရွှင်သင့်တယ်လို့ ဆိုဘိုဆလိုင်း ပြောကြား

လီဗာပူးလ်အသင်းရဲ့ ဟန်ဂေရီကစားသမား ဆိုဘိုဆလိုင်းက လက်ရှိပုံစံအတိုင်းဆိုရင် လီဗာပူးလ်အသင်းအနေနဲ့ ချန်ပီယံလိဂ်ဝင်ခွင့် ရရှိမှာမဟုတ်ဘဲ ကွန်းဖရန့်လိဂ်ယှဉ်ပြိုင်ခွင့်ရရင်ပဲ ပျော်ရွှင်သင့်တယ်လို့ ပြောကြားခဲ့ပါတယ်။ဆိုဘိုဆလိုင်း(၂၅ နှစ်)ဟာ လက်ရှိလီဗာပူးလ်အသင်းမှာ ခြေစွမ်းအတည်ငြိမ်ဆုံးကစားသမားအဖြစ် သတ်မှတ်ခံထားရသူဖြစ်ပြီး မနေ့က စပါးအသင်းနဲ့ (၁-၁)ဂိုး သရေကျတဲ့ပွဲမှာလည်း အသင်းအတွက် ဦးဆောင်ဂိုးကို ဖရီးကစ်နဲ့ သွင်းယူနိုင်ခဲ့ပါတယ်။ဒါကြောင့် ဆိုဘိုဆလိုင်းအနေနဲ့ ဒီရာသီ ပရီးမီးယားလိဂ်မှာ ဖရီးကစ်သွင်းဂိုး (၄)ဂိုးရှိသွားခဲ့ပြီး လီဗာပူးလ်ကစားသမားတွေထဲမှာ တစ်ရာသီအတွင်း အများဆုံးသွင်းယူနိုင်ခြင်းအဖြစ် မှတ်တမ်းဝင်ခဲ့ကြောင်း သိရပါတယ်။ဒါပေမဲ့ ပရီးမီးယားလိဂ်မှာ နှစ်ပွဲဆက်နိုင်ပွဲပျောက်ပြီး နောက်ကျဂိုးတွေ ပေးနေရတာကြောင့် ဆိုဘိုဆလိုင်းက အသင်းရဲ့အခြေအနေအပေါ် မကျေမနပ်ပြောကြားခဲ့ခြင်းလည်း ဖြစ်ပါတယ်။