မဲဆောက်မှာ ဆီဆိုင်အများစု ဆီပြတ်နေပြီး နာရီနဲ့ချီတန်းစီနေရ

အရှေ့အလယ်ပိုင်း အီရန်စစ်ပွဲကြောင့် လောင်စာဆီတင်သွင်းမှု လမ်းကြောင်းပြတ်တောက်ပြီး ထိုင်းအစိုးရက ဆီရောင်းချမှုကို ကန့်သတ်လိုက်ပြီးနောက် ထိုင်း-မြန်မာနယ်စပ် မဲဆောက်မြို့ရှိ ဆီဆိုင်အများစုတွင် ဆီပြတ်လပ်မှုနှင့် ကြုံတွေ့နေရသဖြင့် ဒေသခံများနှင့် မြန်မာနိုင်ငံသားများသည် မနက်အစောပိုင်းကတည်းက နာရီနှင့်ချီ တန်းစီဝယ်ယူနေရကြောင်း သိရသည်။ ဆီဆိုင်အချို့တွင် မြန်မာကားများကို ဆီမရောင်းပေးရန် ကန့်သတ်ထားသဖြင့် မြန်မာနိုင်ငံသားအချို့က ထိုင်းကားများကို ငှားရမ်းကာ ဆီဆိုင်များသို့ လှည့်ပတ်ဆီဖြည့်၍ သိုလှောင်မှုများ ပြုလုပ်နေသောကြောင့် ထိုင်းတာဝန်ရှိသူများက လုံခြုံရေးအင်အားသုံး၍ စနစ်တကျ ကြပ်မတ်ဆောင်ရွက်နေရကြောင်း သိရသည်။