ရှမ်းပြည်နယ်၊ကွတ်ခိုင်မြို့တွင် မတ်လ ၁၄ ရက် မနက် ၁၀ နာရီဝန်းကျင်မှာ နယ်မြေ ပဋိပက္ခများ ဖြစ်ပေါ်လာပြီးနောက် စာမေးပွဲဖြေနေတဲ့ ကျောင်းသူကျောင်းသားတွေ တစ်ဝက်တစ်ပျက်နဲ့ နားလိုက်ရတယ်လို့ ကျောင်းသားမိဘတွေက ပြောပါတယ်။တအာင်းပြည်ပညာရေးကောင်စီ - TLEC ဖွင့်လှစ်ထားတဲ့ စာသင်ကျောင်းတွေမှာ မတ်လ ၁၄ ရက်မှာ ၉ တန်းတွေ စာမေးပွဲဖြေဆိုရမယ့် နောက်ဆုံးနေ့ဖြစ်ပြီး ကိုးကန့်ဘက်က မြို့ထဲ ပစ်ခတ်လာတာကြောင့် စာမေးပွဲချိန်ပြီးအောင် မဖြေခဲ့ရဘူးလို့ ကျောင်းသားမိဘတစ်ဦးက ပြောပါတယ်။၅ တန်းတွေက မနေ့ကတည်းကပြီးတာ။ ၉ တန်းတွေကတော့ ဒီနေ့နောက်ဆုံးဖြေတာ။ ကလေးတွေ ဖြေလို့တောင် မပြီးသေးဘူး။ ပစ်နေပြီဆိုတော့ ဆရာမတွေလည်း ပြန်လွှတ်ပေးလိုက်တာပေါ့။ မြို့ထဲမှာလည်း ဆိုင်တွေအကုန်ပိတ်နေပြီ"ဟုကျောင်းသားမိဘတစ်ဦးက ပြောပါတယ်။
