အရှေ့အလယ်ပိုင်းဒေသ ပဋိပက္ခများကြောင့် ကမ္ဘာ့ရေနံထောက်ပံ့မှု ကွင်းဆက်ပြတ်တောက်နိုင်ခြေရှိသည့်အပေါ် တုံ့ပြန်ရန်အတွက် တောင်ကိုရီးယားအစိုးရသည် အပြည်ပြည်ဆိုင်ရာ စွမ်းအင်အေဂျင်စီ (IEA) ၏ စုပေါင်းညှိနှိုင်းမှုအစီအစဉ်ဖြင့် ၎င်း၏ အရန်ရေနံစည်ပေါင်း ၂.၂၄၆ သန်းကို ထုတ်ယူသုံးစွဲသွားမည်ဖြစ်ကြောင်း ကြာသပတေးနေ့ (မတ်လ ၁၂ ရက်၊ ၂၀၂၆) တွင် သတင်းထုတ်ပြန်ခဲ့ပါသည်။ အဆိုပါ လုပ်ဆောင်ချက်သည် ပြည်တွင်းစွမ်းအင်ဈေးနှုန်းများ တည်ငြိမ်စေရန်နှင့် စက်သုံးဆီ ပြတ်လပ်မှုမရှိစေရန် ရည်ရွယ်ခြင်းဖြစ်ပြီး၊ တောင်ကိုရီးယား စွမ်းအင်ဝန်ကြီးဌာန၏ အဆိုအရ ဤထုတ်ယူမှုသည် နိုင်ငံ၏ စုစုပေါင်း အရန်ရေနံပမာဏ၏ အစိတ်အပိုင်းအနည်းငယ်သာ ဖြစ်သည့်အတွက် ရေရှည်စွမ်းအင်လုံုံခြုံရေးကို ထိခိုက်မှုရှိမည်မဟုတ်ကြောင်း သိရသည်။ ထို့အပြင် အစိုးရအနေဖြင့် ကမ္ဘာ့ရေနံဈေးကွက် အခြေအနေကို အနီးကပ်စောင့်ကြည့်လျက်ရှိပြီး လိုအပ်ပါက အခြားသော အရန်သိုလှောင်မှုများကိုပါ ထပ်မံအသုံးပြုနိုင်ရန် ပြင်ဆင်ထားကြောင်းနှင့် ဤပူးပေါင်းဆောင်ရွက်မှုသည် နိုင်ငံတကာ စွမ်းအင်ဈေးကွက်ကို ပြန်လည်တည်ငြိမ်လာစေရန် အထောက်အကူပြုမည်ဖြစ်ကြောင်း သတင်းတွင် ဖော်ပြထားသည်။
တောင်ကိုရီးယားက IEA ၏ အစီအစဉ်အရ အရန်ရေနံစည်ပေါင်း ၂.၂၄၆ သန်း ထုတ်ယူသုံးစွဲမည်
Mar 12 • 7:14 AM
South Korea
Local News
Share
 8 |  0 |  0 |  0 |
