မတ်လ ၈ ရက်နေ့တွင်စက်သုံးဆီပြတ်လပ်မှုဖြစ်ပွားနေသည့် မြဝတီမြို့တွင် ကားထဲက ဓာတ်ဆီ ထုတ်ယူရာမှ မီးလောင်မှုဖြစ်ပြီး ဒဏ်ရာရသူနှစ်ဦးထိရှိလာပြီး နှစ်ဦးစလုံး မဲဆောက်ဆေးရုံသို့ ပို့ဆောင်ပေးထားရကြောင်း သိရသည်။အလားတူ မတ်လ ၉ ရက်တွင်လည်း ကားထဲမှ ဆီထုတ်ယူနေသည့် အမျိုးသားတစ်ဦး မီးလောင်ဒဏ်ရာ (အနီရောင်အဆင့်)ရရှိခဲ့ကြောင်း သိရသည်။မြဝတီမြို့တွင်း စက်သုံးဆီဆိုင်အချို့ အရောင်းပိတ်ထားပြီး အချို့ဆ်ိုင်များ ဖွင့်လှစ်ရောင်းချနေသော်လည်း တန်းစီဝယ်ယူသူများပြားသည့်အတွက် မဲဆောက်ဘက်သို့ သွား၍ ကားဆီဖြည့်ပြီး မြဝတီ၌ ပြန်လည်ရောင်းချနေကြခြင်းဖြစ်သည်။
