စင်ကာပူတွင် ဆီဈေးနှုန်းများ တဟုန်ထိုးမြင့်တက်နေပြီး အဆင့်မြင့်ဆီ (Premium) တစ်လီတာလျှင် ၄ ဒေါ်လာအထိ ဖြစ်လာနိုင်ခြေရှိ

၂၀၂၆ ခုနှစ်၊ ဖေဖော်ဝါရီလကုန်ပိုင်းမှစတင်၍ အမေရိကန်-အစ္စရေးနှင့် အီရန်တို့အကြား စစ်ရေးတင်းမာမှုများကြောင့် နိုင်ငံတကာရေနံဈေးကွက် ရိုက်ခတ်မှုဖြစ်ပေါ်ကာ စင်ကာပူတွင် ဆီဈေးနှုန်းများ နှစ်ရက်ဆက်တိုက် မြင့်တက်ခဲ့သည်။ လက်ရှိတွင် လူသုံးများသော 95-octane ဆီဈေးမှာ တစ်လီတာလျှင် ၂.၉၇ ဒေါ်လာအထိ ရောက်ရှိနေပြီး အဆင့်မြင့်ဆီ (Premium Octane 98) မှာ လာမည့်အပတ်အတွင်း တစ်လီတာလျှင် ၄ ဒေါ်လာ အထိ စံချိန်တင် မြင့်တက်သွားနိုင်ကြောင်း ခန့်မှန်းထားကြသည်။ ယင်းအခြေအနေကြောင့် သယ်ယူပို့ဆောင်ရေးကဏ္ဍရှိ Grab နှင့် ComfortDelGro ကဲ့သို့သော ကုမ္ပဏီများက ယာဉ်မောင်းများ၏ ဝန်ထုပ်ဝန်ပိုးကို လျှော့ချပေးရန်အတွက် အထူးလျှော့ဈေးများနှင့် ထောက်ပံ့ကြေးအစီအစဉ်များကို စတင်ဆောင်ရွက်နေပြီ ဖြစ်သည်။