စစ်ပွဲဂယက်ကြောင့် လောင်စာဆီသွင်းကုန်ခွန် ပယ်ဖျက်ရန်ဗီယက်နမ်စီစဉ်

အီရန်၊ အမေရိကန်နှင့် အစ္စရေးတို့အကြား ဖြစ်ပွားနေသော စစ်ပွဲကြောင့် ရေနံစိမ်းဈေးနှုန်းမှာ ၂၀၂၂ ခုနှစ်နောက်ပိုင်း အမြင့်ဆုံးဖြစ်သည့် တစ်စည်လျှင် ၁၂၀ ဒေါ်လာနီးပါးအထိ မြင့်တက်လာခဲ့သည်။ ယင်းဂယက်ကြောင့် ဗီယက်နမ်နိုင်ငံအတွင်း ဓာတ်ဆီဈေးနှုန်းများ ၂၁ ရာခိုင်နှုန်းခန့် ခုန်တက်သွားပြီးနောက် ပြည်တွင်းဈေးကွက် တည်ငြိမ်စေရန်အတွက် အချို့သော ရေနံထွက်ကုန်များအပေါ် တင်သွင်းခွန်ကို သုညအထိ လျှော့ချရန် ဗီယက်နမ်ဘဏ္ဍာရေးဝန်ကြီးဌာနက အဆိုပြုခဲ့သည်။ ဟော်မုဇ်ရေလက်ကြား ပိတ်ဆို့မှုများကြောင့် ကမ္ဘာ့ရေနံထောက်ပံ့မှု ပြတ်တောက်နိုင်သည့် အန္တရာယ်ရှိနေသဖြင့် အဆိုပါ အခွန်ကင်းလွတ်ခွင့် အစီအစဉ်ကို ဧပြီလကုန်အထိ ကျင့်သုံးရန် ရည်ရွယ်ထားကြောင်း သိရသည်။