တရုတ်နိုင်ငံခြားရေး ဝန်ကြီးက နိုင်ငံတော်အကြီးအကဲ သံတမန်ဆက်ဆံရေးက တရုတ်သံတမန်ရေး၏ ဗဟိုချက် ဖြစ်သည်ဟု ပြောကြား

တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူအဖွဲ့ဝင်၊ နိုင်ငံခြားရေးဝန်ကြီး ဝမ်ရိက မတ် ၈ ရက်တွင် ကျင်းပသော အစည်းအဝေးကြီး နှစ်ရပ် သတင်းစာရှင်းလင်းပွဲ၌ ၂၀၂၅ ခုနှစ် နိုင်ငံတော် အကြီးအကဲ သံတမန်ရေးရလဒ်များကို ပြန်လည်အောက်မေ့၍ ၂၀၂၆ ခုနှစ် နိုင်ငံ့အကြီးအကဲ သံတမန်ဆက်ဆံရေး၏ စိတ်ဝင်စားကြည့်ရှုဖွယ်အချက်များကို ရှေးရှုပြောကြားခဲ့သည်။ ဝမ်ရိက နိုင်ငံတော်အကြီးအကဲ သံတမန်ဆက်ဆံရေးသည် တရုတ်သံတမန်ရေး၏ ဗဟိုချက် ဖြစ်ကြောင်း၊ လွန်ခဲ့သည့်နှစ်က လှိုင်းဒဏ်လေဒဏ်ကြမ်းတမ်းသည့် နိုင်ငံတကာအခြေအနေကို ရင်ဆိုင်ရာတွင် သမ္မတ ရှီကျင့်ဖိန်သည် ကြီးမားကျယ်ပြန့်၍ အရှိန်အဟုန်မြင့်မားသည့် နိုင်ငံတော်အကြီးအကဲ သံတမန်ဆက်ဆံရေးကို ဆောင်ရွက်ကာ အရေးကြီးသည့် သမိုင်းအခိုက်အတန့်တစ်ခုစီကို ပုံသွင်းတည်ဆောက်ခဲ့ကြောင်း ပြောကြားခဲ့သည်။