မန္တလေးတိုင်းရှိ ရွှေသိမ်တော်ဘုရားသို့ စာမေးပွဲအကြိုကာလ နေ့စဉ်ဘုရားဖူး ၁၀,၀၀၀ အထက် လာရောက်ဖူးမြော်သူ များလာ

တက္ကသိုလ်ဝင်တန်းစာမေးပွဲအကြိုကာလအတွင်း ကျောက်ဆည်ရွှေသိမ်တော်ဘုရားသို့ နေ့စဉ် ဘုရားဖူး ၁၀,၀၀၀ နှင့်အထက် ဝင်ရောက်လျက်ရှိကြောင်း ဘုရားဂေါပကအဖွဲ့နှင့်နီးစပ်သူများထံမှ သိရသည်။ဘုရားဖူးလာရောက်သူများအနက် အများစုမှာ အဓိဋ္ဌာန်ဝင်ပုတီးစိပ်ခြင်း၊ ဘုရားနှင့်ပုဂ္ဂိုလ်ထူးများအတွက် ကန် တော့ပွဲ (အုန်း/ငှက်ပျောပွဲ)ပေးလှူခြင်း စသဖြင့် ဘာသာရေးဓလေ့ထုံးတမ်းအစဉ် အလာအမှုများ ပြုလုပ်ဆောင်ရွက်ကြကြောင်း ၎င်းတို့က ဆိုသည်။မှန်ရက်များတွင်ပင် နေ့စဉ် ဘုရားဖူးလာရောက်သူ ၁၀,၀၀၀ နှင့်အထက်ရှိနေပြီး ရုံးပိတ်ကျောင်းပိတ်နှင့် အခါကြီးရက်ကြီးများတွင် ယင်းထက်နှစ်ဆကျော်ပိုများကြောင်း သိရသည်။မန္တလေးတိုင်းဒေသကြီး၊ ကျောက်ဆည်မြို့ရှိ ရွှေသိမ်တော်ဘုရား (မဟာရွှေသိမ်တော်မြတ်စွာဘုရား)သည် အဓိဋ္ဌာန် အောင်ဆုတောင်းပြည့်ဘုရားအဖြစ် ထင်ရှားကျော်ကြားသည်။