အီရန်နိုင်ငံကို အမေရိကန်နိုင်ငံနဲ့ အစ္စရေးနိုင်ငံတို့က တိုက်ခိုက်တာနဲ့ အီရန်အစိုးရရဲ့ တန်ပြန်တိုက်ခိုက်မှုတွေကြောင့် လေကြောင်းခရီးစဉ်တွေမှာ အနှောင့်အယှက်ဖြစ်နေတဲ့အကြား အာရပ်စော်ဘွားများပြည်ထောင်စု (UAE) ကနေ ထွက်ခွာခဲ့တဲ့ ခရီးသည်တင်လေယာဉ်တစ်စင်းဟာ ဂျပန်နိုင်ငံကို ရောက်ရှိလာခဲ့ပါတယ်။ အရှေ့အလယ်ပိုင်းဒေသမှာ ရှိတဲ့ UAE နိုင်ငံနဲ့ Haneda လေဆိပ်၊ Narita လေဆိပ်နဲ့ Kansai လေဆိပ်ဆိုတဲ့ ဂျပန်လေဆိပ် ၃ ခုတို့အကြား ပြေးဆွဲတဲ့ ခရီးစဉ်တွေကို တနင်္ဂနွေနေ့မှာ ဖျက်သိမ်းခဲ့ပြီးနောက်ပိုင်း UAE နိုင်ငံကနေ ဂျပန်ကို အဲဒီလို ပျံသန်းရောက်ရှိလာတာ ပထမဆုံးအကြိမ် ဖြစ်ပါတယ်။ UAE လေပိုင်နက်ကို ပိတ်ပင်လိုက်ပြီးနောက် အဲဒီဖျက်သိမ်းမှုတွေ ဖြစ်ပေါ်လာတာပါ။
