ဂျပန်တိုကျိုစတော့စျေးကွက်၌ အရှေ့အလယ်ပိုင်းစစ်ပွဲနှင့် မရေရာမှုများကြောင့် ၃ ရက်ဆက်တိုက် ကျဆင်း

အရှေ့အလယ်ပိုင်းဒေသတွင် စစ်မီးကူးစက်ပျံ့နှံ့နေပြီး ရေရှည်ကြန့်ကြာနိုင်သည့် အခြေအနေများကြောင့် တိုကျိုစတော့စျေးကွက်သည် ဗုဒ္ဓဟူးနေ့ (မတ်လ ၄ ရက်၊ ၂၀၂၆) တွင် ၃ ရက်ဆက်တိုက်အဖြစ် ထပ်မံကျဆင်းခဲ့ပြီး Nikkei 225 အညွှန်းကိန်းသည် ၃.၆၁ ရာခိုင်နှုန်း (၂,၀၃၃.၅၁ ပွိုင့်) အထိ ထိုးဆင်းသွားခဲ့ပါသည်။အထူးသဖြင့် ကမ္ဘာ့ရေနံတင်ပို့မှု၏ အဓိကလမ်းကြောင်းဖြစ်သော ဟော်မုဇ်ရေလက်ကြား (Strait of Hormuz) ပိတ်ဆို့ခံရနိုင်ခြေရှိခြင်းက ရေနံစျေးနှုန်းများကို မြင့်တက်စေကာ ငွေဖောင်းပွမှုနှင့် စီးပွားရေးတုံ့ဆိုင်းမှုကို ဖြစ်စေနိုင်သည့်အတွက် ရင်းနှီးမြှုပ်နှံသူများကြား စိုးရိမ်မှုများ မြင့်တက်နေခြင်းဖြစ်ကာ၊ ဂျပန်ဘဏ္ဍာရေးဝန်ကြီးကလည်း စျေးကွက်မတည်ငြိမ်မှုများအပေါ် အထူးသတိထား စောင့်ကြည့်နေကြောင်း ထုတ်ဖော်ပြောကြားခဲ့ပြီး၊ တောင်ကိုရီးယားနှင့် ထိုင်ဝမ်စတော့စျေးကွက်များတွင်လည်း အလားတူ အကြီးအကျယ် ကျဆင်းမှုများ ကြုံတွေ့ခဲ့ရကြောင်း သိရသည်။