ရုရှားနိုင်ငံက အီရန်သည် နျူကလီးယားလက်နက်များ ထုတ်လုပ်နေသည်ဆိုသည့် အထောက်အထား တစ်စုံတစ်ရာ မတွေ့ရကြောင်း ပြောကြားခဲ့သကဲ့သို့ ပူးပေါင်းတို-က်ခိုက်မှုများကို ချက်ချင်းရပ်တန့်ရန် တရုတ်နိုင်ငံကလည်း တောင်းဆိုကာ အမေရိကနှင့် အစ္စရေးတို့၏ အီရန်အပေါ် တို-က်ခိုက်မှုများကို ဝေဖန်ခဲ့ကြကြောင်း သိရသည်။အမေရိကနှင့် အီရန်တို့အကြား ဆွေးနွေးမှုများသည် “အစ္စရေး၏ လုံခြုံရေးဆိုင်ရာ စိုးရိမ်မှုများကို ဖြေရှင်းပေးနိုင်ခြင်း အပါအဝင် သိသာထင်ရှားသော တိုးတက်မှုများ ရရှိနေချိန်” တွင် အီရန်ကိုတို-က်ခိုက်ခြင်းဖြစ်ကြောင်း တရုတ်နိုင်ငံခြားရေးဝန်ကြီး ဝမ်ယိက အစ္စရေးနိုင်ငံခြားရေးဝန်ကြီး ဂီဒီယွန်ဆားကို အင်္ဂါနေ့တွင် ပြောကြားခဲ့သည်ဟု တရုတ်နိုင်ငံခြားရေးဝန်ကြီးဌာန၏ သတင်းထုတ်ပြန်ချက်တွင် ဖော်ပြထားသည်။
