ဒူဘိုင်းအပြည်ပြည်ဆိုင်ရာလေဆိပ်၊ အထင်ကရ Burj Al Arab ဟိုတယ်၊ Jebel Ali ဆိပ်ကမ်းနှင့် Palm Jumeirah ကျွန်းရှိ အဆောက်အဦတို့သည် စနေနေ့က အစ္စရေး-အမေရိကန် စစ်ရေးစစ်ဆင်ရေးအပြီးတွင် အီရန်လက်တုံ့ပြန်တိုက်ခိုက်မှုကြောင့် ပျက်စီးသွားခဲ့ကြောင်း ဒူဘိုင်းအုပ်ချုပ်ရေးအဖွဲ့က တနင်္ဂနွေနေ့တွင် ပြောကြားခဲ့သည်။
အဘူဒါဘီမြို့နဲ့ အဘူဒါဘီ တိုက်ခိုက်မှုတွေမှာ အနည်းဆုံး လူတစ်ဦး သေဆုံးပြီး ၁၅ ဦးထက်မနည်း ဒဏ်ရာရခဲ့ပါတယ်။စနေနေ့တွင် အစ္စရေးနှင့် အမေရိကန်တို့သည် အီရန်အစိုးရ၏ စွမ်းဆောင်နိုင်ရည်အား ကျဆင်းစေရန် ပူးတွဲစစ်ဆင်ရေးကို စတင်ခဲ့သည်။ အဆိုပါ တိုက်ခိုက်မှုများကို အီရန်က လက်တုံ့ပြန်ခဲ့ပြီး နျူကလီးယား ညှိနှိုင်းမှုများ ပြုလုပ်နေချိန်တွင် အမေရိကန်-အစ္စရေး စစ်ဆင်ရေးကို စတင်ခဲ့ကြောင်း ပြောကြားခဲ့သည်။
ဒုံးကျည် ၁၃၇ စင်းနှင့် မောင်းသူမဲ့လေယာဉ် ၂၀၉ စင်းတို့ကို အီရန်က ၎င်း၏ပိုင်နက်အတွင်း ပစ်ခတ်ခဲ့ကြောင်း အာရပ်စော်ဘွားများ ပြည်ထောင်စုက ပြောကြားခဲ့ပြီး အများစုမှာ ကာကွယ်ရေးစနစ်များဖြင့် ကြားဖြတ်ဟန့်တားခဲ့ကြောင်း AFP သတင်းတွင် ဖော်ပြထားသည်။ အဘူဒါဘီ၊ ဒူဘိုင်းနဲ့ ဒိုဟာမြို့တွေကို အီရန်က ဒုံးကျည်တွေနဲ့ ပစ်ခတ်ခဲ့တယ်လို့ ရိုက်တာသတင်းမှာ ဖော်ပြထားပါတယ်။
အာရပ်စော်ဘွားများပြည်ထောင်စု၏ မြို့တော် အဘူဒါဘီတွင် Zayed အပြည်ပြည်ဆိုင်ရာလေဆိပ်တွင် ဒရုန်းတစ်စီးမှ ကြားဖြတ်ဟန့်တားမှုကြောင့် လူတစ်ဦးထက်မနည်းသေဆုံးပြီး အခြားခုနစ်ဦး ဒဏ်ရာရရှိခဲ့ကြောင်း အာဏာပိုင်များက တနင်္ဂနွေနေ့တွင် ပြောကြားခဲ့သည်။
