"အောင်ဇမ္ဗူ"ဇာတ်သဘင်အဖွဲ့ကပြဖျော်ဖြေခွင့်ပြန်လည်ရရှိ

မသန်စွမ်းသူများ၏ ဂုဏ်သိက္ခာကို ထိခိုက်စေသည့် ပြကွက်များကြောင့် ဖေဖော်ဝါရီ ၂၇ ရက်တွင် ကပြခွင့် (၁) နှစ် ရပ်ဆိုင်းခံခဲ့ရသည့် "အောင်ဇမ္ဗူ" ဇာတ်သဘင်အဖွဲ့သည် တာဝန်ရှိသူများ၏ ကူညီမှုဖြင့် ကပြခွင့်ပြန်လည်ရရှိခဲ့ကြောင်း သိရသည်။ ကပြခွင့်ရရှိပြီးနောက် ယင်းနေ့ညမှာပင် ရန်ကုန်မြို့၊ သင်္ဃန်းကျွန်းမြို့နယ်ရှိ ရန်မျိုးအောင်ဘုရားပွဲ၌ ပြန်လည်ကပြဖျော်ဖြေခဲ့ရာ ပရိသတ်များ၏ အားပေးမှုကို ရရှိခဲ့ပြီး၊ မင်းသားအောင်ဇမ္ဗူကလည်း ပရိသတ်ပေးသည့် ခွန်အားဖြင့် ရှေ့ဆက်၍ သည်ထက်မက ကြိုးစားသွားမည်ဖြစ်ကြောင်း ပြောကြားခဲ့သည်။