၂၀၂၆ ခုနှစ် Chingay Parade ပွဲတော်ကြီးကို စင်ကာပူတွင် စည်ကားသိုက်မြိုက်စွာ စတင်ကျင်းပ

စင်ကာပူနိုင်ငံ၏ နာမည်ကျော် Chingay Parade 2026 ပွဲတော်ကြီးကို ဖေဖော်ဝါရီ ၂၇ ရက်နှင့် ၂၈ ရက် ညနေပိုင်းများတွင် F1 Pit Building ၌ ကျင်းပလျက်ရှိရာ ပထမနေ့တင်ဆက်မှုများတွင် ကြည့်ရှုသူ ထောင်ပေါင်းများစွာ တက်ရောက်အားပေးခဲ့ကြသည်။ အဆိုပါ ပွဲတော်တွင် ရောင်စုံဖျော်ဖြေမှုများ၊ မီးရှူးမီးပန်းများ၊ ဆပ်ပြာပူဖောင်းများနှင့် ဆီးနှင်းတုများ ဖန်တီးကာ ခမ်းနားထည်ဝါစွာ တင်ဆက်ခဲ့ခြင်းဖြစ်ပြီး၊ လာရောက်ကြည့်ရှုသူများကို အံ့အားသင့်စရာကောင်းသည့် အနုပညာရသများ ပေးစွမ်းနိုင်ခဲ့ကြောင်း သိရသည်။