အောင်ဇမ္ဗူ ဇာတ်သဘင်အား ပွဲကပြခွင့် တစ်နှစ်တိတိ ပိတ်လိိုက်ကြောင်း မြန်မာနိုင်ငံ သဘင်အစည်းအရုံး(ဗဟို)မှ ဖေဖော်ဝါရီ ၂၇ ရက် ရက်စွဲဖြင့် ထုတ်ပြန်ခဲ့ကြောင်း သိရသည်။ယင်းစာထုတ်ပြန်သည့် ဖေဖော်ဝါရီ ၂၇ ရက်နေ့တွင်
အောင်ဇမ္ဗူ ဇာတ်သဘင်အဖွဲ့သည် သင်္ဃန်းကျွန်းမြို့နယ် ရန်မျိုးအောင်ဘုရားပွဲတွင် ကပြလျက်ရှိသည့် ပွဲစဥ်ကိုပင် ကပြခွင့်မပြုပဲ ဖျက်သိမ်းခဲ့ရကြောင်း သိရသည်။ယနေ့ ကပြမည့် သင်္ဃန်းကျွန်း ရန်မျိုးအောင်ဘုရားပွဲအတွက် ဖျာ/ထိုင်ခုံ လက်မှတ်ကြိုတင်ဝယ်ယူထားသူများ ဇာတ်ရုံတွင် ယနေ့ည ၇ နာရီမှ စတင်၍ ပြန်လည်လာရောက် ထုတ်ယူနိုင်ပါပြီ" ဟု အောင်ဇမ္ဗူ ဇာတ်သဘင် ၏ မန်နေဂျာ ကိုကျော်ဇေယျက လူမှုကွန်ရက်တွင် ရေးသားထားသည်။သဘင်အစည်းအရုံး(ဗဟို)၏ ထုတ်ပြန်ချက်တွင်
အောင်ဇမ္ဗူ ဇာတ်သဘင်အဖွဲ့၏ ဖျော်ဖြေမှုများသည် ပြည်သူများအကြားအတုယူလွှဲမှားစေသည့်အပြင် မသန်စွမ်းသူများ၏ စိတ်ပိုင်းဆိုင်ရာနှင့် ၎င်းတို့၏ ဂုဏ်သိက္ခာပိုင်းဆိုင်ရာများကိုပါ များစွာထိခိုက်စေပါသဖြင့် မသန်စွမ်းသူများအား တားဝင်ပြန်လည်တောင်းပန်ရန် ဟုလည်း ထည့်သွင်းဖော်ပြထားသည်။
