ဗီယက်နမ်နိုင်ငံရှိ ဘာဒင်တောင်ခြေ၌ တရုတ်နှစ်သစ်ကူးကာလအတွင်း ဘုရားဖူးဧည့်သည် သိန်းနှင့်ချီ စုဝေးရောက်ရှိ

ဗီယက်နမ်နိုင်ငံ တောင်ပိုင်းရှိ ဘာဒင်တောင် (Ba Den Mountain) ခြေရင်းတွင် တရုတ်နှစ်သစ်ကူးကာလ အစောပိုင်းရက်များအတွင်း သိန်းနှင့်ချီသော မိသားစုဝင်များ စုဝေးရောက်ရှိနေကြပြီး လူပင်လယ်ကြီးသဖွယ် ဖြစ်ပေါ်နေသည်။ အဆိုပါ မြင်ကွင်းသည် ဂီတဖျော်ဖြေပွဲ သို့မဟုတ် အားကစားပွဲတစ်ခု မဟုတ်ဘဲ နှစ်သစ်ဦးတွင် ကောင်းမှုကုသိုလ်ပြုရန် ရောက်ရှိလာကြသည့် ဘုရားဖူးခရီးသည်များ၏ ဘာသာရေးယုံကြည်မှု မြင်ကွင်းတစ်ခု ဖြစ်သည်။ဗီယက်နမ်လူမျိုးများ၏ ယုံကြည်ချက်အရ နှစ်ဆန်းတစ်လပိုင်းသည် ဝိညာဉ်ရေးရာတံခါးများ ပွင့်သည့်အချိန်ဖြစ်သဖြင့် မိသားစုအလိုက် ဖျာ၊ စောင်၊ အစားအသောက်နှင့် တဲငယ်များကိုယ်စီဖြင့် လာရောက်ကာ တောင်ပေါ်ရှိ Linh Son မယ်တော်ကြီးထံတွင် ငြိမ်းချမ်းခြင်းနှင့် သာယာဝပြောခြင်းများအတွက် အမွှေးနံ့သာများ ဆက်သကာ ဆုတောင်းကြခြင်းဖြစ်သည်။ ဤသို့ မယ်တော်ကြီးထံမှ ကောင်းချီးခံယူခြင်းက တစ်နှစ်ပတ်လုံး အောင်မြင်မှုနှင့် သဟဇာတဖြစ်မှုကို ရရှိစေသည်ဟု ယုံကြည်ကြသည်။