ဘန်ကောက်မြို့လယ်ရှိ ကားပါကင်ဟောင်းကို ဂျပန်စတိုင် "လုမ္ပနီ ခွေးပန်းခြံ" အဖြစ် ပြောင်းလဲဖွင့်လှစ်

ဘန်ကောက်မြို့လယ်ရှိ လုမ္ပနီပန်းခြံအတွင်းရှိ ကားပါကင်ဟောင်းနေရာတွင် အိမ်မွေးခွေးလေးများအတွက် သီးသန့်ဆော့ကစားနိုင်မည့် "လုမ္ပနီ ခွေးပန်းခြံ" ကို တရားဝင်ဖွင့်လှစ်လိုက်ရာ မြို့ပြနေ ခွေးချစ်သူများအတွက် အထင်ကရနေရာသစ်တစ်ခု ဖြစ်လာသည်။ ထိုင်း-ဂျပန် ပူးပေါင်းဆောင်ရွက်မှု အထိမ်းအမှတ်အနေဖြင့် ဂျပန် JCC အဖွဲ့၏ ပံ့ပိုးမှုဖြင့် တည်ဆောက်ထားသော အဆိုပါပန်းခြံသည် မြေ ၂ ရိုင် ကျယ်ဝန်းပြီး ခွေးကြီးနှင့် ခွေးလေးဇုန်များကို သီးသန့်ခွဲခြားထားကာ နေ့စဉ် မနက် ၄ နာရီခွဲမှ ည ၁၀ နာရီအထိ ဖွင့်လှစ်ထားကြောင်း သိရသည်။ ပန်းခြံသို့ လာရောက်မည့် ခွေးလေးများသည် ခွေးရူးပြန်ကာကွယ်ဆေး ထိုးထားပြီးဖြစ်ရမည့်အပြင် သတ်မှတ်ထားသည့် စည်းကမ်းချက်များကို လိုက်နာရမည်ဖြစ်ပြီး၊ ဤစီမံကိန်းသည် ဘန်ကောက်မြို့ကို အိမ်မွေးတိရစ္ဆာန်များနှင့်အတူ ယှဉ်တွဲနေထိုင်နိုင်သော နေချင့်စဖွယ်မြို့တော်ဖြစ်လာစေရန် ရည်ရွယ်ခြင်းဖြစ်ကြောင်း သိရသည်။