ရန်ကုန်တိုင်းဒေသကြီး၊ လှည်းကူးမြို့နယ်၊ ဆင်ဖုန်(မြောက်)ကျေးရွာအနီးရှိ လယ်ကွင်းမှာ ပစ်ခတ်ဖို့ ပြင်ဆင်ထားတဲ့ ရှော့တိုက်ဒုံးတွေ ဖေဖော်ဝါရီ ၂၁ ရက်၊ မနက်ပိုင်းက တွေ့ရှိခဲ့တယ်လို့ ထုတ်ပြန်ပါတယ်။အဲဒီလို တွေ့ရှိပြီးနောက် အများပြည်သူတွေ အန္တရာယ်ကင်းရှင်းစေရေး အတွက် ဒုံးသီးတွေကို စနစ်တကျ သက်မဲ့ ပြု လုပ်ခဲ့တယ်လို့ ထုတ်ပြန်ချက်မှာ ဖော်ပြထားပါတယ်။ဒါ့အပြင် ရှော့တိုက်ဒုံးတွေ တွေ့ရှိရာ နေရာတစ်ဝိုက်ကိုလည်း နယ်မြေခံ လုံခြုံရေးတပ်ဖွဲ့ဝင်တွေက လိုအပ်တဲ့ နယ်မြေ ရှင်းလင်းရေး လုပ်ငန်းတွေ နဲ့ စုံစမ်းစစ်ဆေးမှုတွေ ဆောင်ရွက်နေပြီး အခုလို မသင်္ကာဖွယ် တွေ့ရှိပါကလည်း သက် ဆိုင်ရာ တာဝန်ရှိသူတွေထံ သတင်းပေးပို့ကြဖို့ကိုလည်း ထုတ်ပြန်ထားပါတယ်။
