မန္တလေးမြို့တွင် လေထုညစ်ညမ်းမှုအညွှန်းကိန်း ဆက်လက်မြင့်တက်လာနိုင်သဖြင့် ကျန်းမာရေးအထူးသတိပြုရန် လိုအပ်နေ

မန္တလေးမြို့၏ လေထုအရည်အသွေးပြအညွှန်းကိန်း (AQI) သည် လာမည့်ရက်ပိုင်းအတွင်း ၁၂၅ အထိ ဆက်လက်မြင့်တက်လာနိုင်ကြောင်း IQAir က ခန့်မှန်းထားပြီး၊ လက်ရှိတွင် လေထုညစ်ညမ်းမှုအပေါ် အထူးခံစားလွယ်သူများအတွက် ကျန်းမာရေးထိခိုက်နိုင်သည့် (၁၁၇) အဆင့်သို့ ရောက်ရှိနေသည်။ ယင်းအခြေအနေကြောင့် ကလေးသူငယ်များ၊ သက်ကြီးရွယ်အိုများနှင့် အသက်ရှူလမ်းကြောင်းဆိုင်ရာ ရောဂါအခံရှိသူများတွင် မျက်စိကျိန်းစပ်ခြင်းနှင့် လည်ချောင်းယားယံခြင်းများ ဖြစ်ပေါ်နိုင်သဖြင့် ပြင်ပထွက်ပါက N95 Mask တပ်ဆင်ရန်၊ အပြင်သွားလာမှုလျှော့ချရန်နှင့် နေအိမ်အတွင်း၌သာ တံခါးပိတ်နေထိုင်ရန် တိုက်တွန်းထားကြောင်း သိရသည်။