ယူကရိန်းစစ်ပွဲတွင် ကျဆုံးခဲ့သည့် မြောက်ကိုရီးယားစစ်သည်မိသားစုများအား ကင်မ်ဂျုံအန်းက တိုက်ခန်းသစ်များ ထောက်ပံ့

မြောက်ကိုရီးယားခေါင်းဆောင် ကင်မ်ဂျုံအန်းသည် ယူကရိန်းစစ်ပွဲတွင် ရုရှားဘက်မှ ကူညီတိုက်ခိုက်ရင်း ကျဆုံးသွားခဲ့သော စစ်သည်များ၏ မိသားစုများအတွက် ပြုံယမ်းမြို့တော်၌ တိုက်ခန်းသစ်များ ထောက်ပံ့ပေးအပ်ခဲ့ကြောင်း အစိုးရမီဒီယာများက ဖော်ပြခဲ့သည်။ ဖေဖော်ဝါရီ ၁၆ ရက်က ပြုလုပ်သော အိမ်ရာဖွင့်ပွဲသို့ ကင်မ်ဂျုံအန်းသည် သမီးဖြစ်သူ ကင်မ်ဂျူအေးနှင့်အတူ တက်ရောက်ခဲ့ပြီး ကျဆုံးစစ်သည်များ၏ ပေးဆပ်မှုကို ဂုဏ်ပြုစကား ပြောကြားခဲ့သည်။ထောက်လှမ်းရေး အစီရင်ခံစာများအရ မြောက်ကိုရီးယားသည် ရုရှားသို့ စစ်သည်သောင်းနှင့်ချီ စေလွှတ်ခဲ့ရာတွင် ရုရှား၏ ကာ့စ်ခ် (Kursk) ဒေသ တိုက်ပွဲများအတွင်း စစ်သည် ၂,၀၀၀ ခန့် အသက်ဆုံးရှုံးခဲ့သည်ဟု ခန့်မှန်းရသည်။ အပြန်အလှန်အားဖြင့် မြောက်ကိုရီးယားသည် ရုရှားထံမှ စစ်ရေးနည်းပညာ၊ ရိက္ခာနှင့် စွမ်းအင် အကူအညီများ ရရှိခဲ့သည်။ ကင်မ်ဂျုံအန်းက ၎င်း၏မိန့်ခွန်းတွင် ရုရှားသမ္မတ ပူတင်၏ ဆုံးဖြတ်ချက်များအားလုံးကို ဆက်လက်ထောက်ခံသွားမည်ဟု အလေးပေး ပြောကြားခဲ့ပါသည်။