မင်္ဂလာဒုံမြို့နယ်၊ စစ်တက္ကသိုလ်အနီးတွင် ယာဉ်တိုက်မှုဖြစ်ပွားပြီး လူညပ်မှုဖြစ်ပွား

ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ ဂိတ်အမှတ် (၃)၊ စစ်တက္ကသိုလ်အနီးတွင် ယနေ့ (၂၀၂၆ ခုနှစ်၊ ဖေဖော်ဝါရီလ ၁၈ ရက်) နံနက် ၆:၀၄ နာရီခန့်က ယာဉ်တိုက်မှုတစ်ခု ဖြစ်ပွားခဲ့ပြီး လူညပ်နေကြောင်း သတင်းရရှိခဲ့ပါသည်။အဆိုပါဖြစ်စဉ်သို့ မင်္ဂလာဒုံမြို့နယ်မီးသတ်စခန်းမှ မီးငြှိမ်းသတ်ယာဉ် (၁) စီး၊ အင်းစိန်မြို့နယ်မီးသတ်စခန်းမှ မီးငြှိမ်းသတ်ယာဉ် (၁) စီးနှင့် သန္ဓေမီးသတ်တပ်ဖွဲ့ဝင်များ သွားရောက်ကာ ကယ်ဆယ်ရေးလုပ်ငန်းများ ဆောင်ရွက်ခဲ့ကြသည်။ယာဉ်တိုက်မှုကြောင့် အမျိုးသား (၁) ဦး ထိခိုက်ဒဏ်ရာ (မစိုးရိမ်ရ) ရရှိခဲ့ပြီး ၎င်းအား ကြယ်စင်မေတ္တာပရဟိတအသင်းမှ သူနာတင်ယာဉ်ဖြင့် အင်းစိန်မြို့နယ် ပြည်သူ့ဆေးရုံကြီးသို့ ပို့ဆောင်ကူညီပေးခဲ့ကြောင်း သိရှိရပါသည်။