Pet Hotel ၏ ပေါ့ဆမှုကြောင့် ခွေးလေးသေဆုံးခဲ့ရသည့်အပေါ် တာဝန်ယူမှုမရှိခြင်းကြောင့် တိချစ်သူများအကြား ဝေဖန်မှုမြင့်တက်

ရန်ကုန်မြို့၊ သင်္ကန်းကျွန်းမြို့နယ်ရှိ Mandalay Pet Shop, Pet Hotel & Pet Spa တွင် ခွေးလေး 'ဂူဂူး' အား သွားရောက်အပ်နှံထားစဉ် ဟိုတယ်၏ ပေါ့ဆမှုကြောင့် သေဆုံးခဲ့ရပြီး တာဝန်ယူမှုမရှိသည့်အပေါ် တိရစ္ဆာန်ချစ်သူများအကြား ပြင်းထန်စွာ ဝေဖန်မှုများ ထွက်ပေါ်နေသည်။ ဖေဖော်ဝါရီ ၁၃ ရက်တွင် အပ်နှံခဲ့သည့် အဆိုပါခွေးလေးသည် ၁၆ ရက်နေ့၌ သေဆုံးသွားကြောင်း ဆိုင်ဘက်မှ အကြောင်းကြားခဲ့ခြင်းဖြစ်ကာ၊ ပိုင်ရှင်ဖြစ်သူက သွားရောက်ကြည့်ရှုရာတွင် ခွေးလေးမှာ တောင့်တင်းနေပြီဖြစ်ကြောင်းနှင့် ဆိုင်၏ ဝန်ဆောင်မှုပေးထားသော အခန်းမှာလည်း အလွန်ပူလောင်နေကြောင်း သိရသည်။ ဆိုင်ဘက်က ၂၄ နာရီ CCTV ရှိသည်ဟု ကြော်ငြာထားသော်လည်း အခင်းဖြစ်ချိန်တွင် CCTV ပျက်နေသည်ဟု အကြောင်းပြကာ ကြည့်ရှုခွင့်မပေးခဲ့သည့်အပြင်၊ တကိုယ်ရေသန့်ရှင်းမှု အားနည်းသည့် မှတ်တမ်းများလည်း ထွက်ပေါ်လာခဲ့သည်။ အဆိုပါဆိုင်၏ ပိုင်ရှင်မှာ သရုပ်ဆောင် နဝရတ်ဖြစ်သည်ဟု လူမှုကွန်ရက်တွင် ပြောဆိုနေကြပြီး တိချစ်သူများကမူ ဤဖြစ်စဉ်အပေါ် တာဝန်ယူဖြေရှင်းပေးရန်နှင့် ဥပဒေအရ တရားစွဲဆိုရန်အထိ တောင်းဆိုလျက်ရှိကြောင်း သိရှိရပါသည်။