ဆွစ်ဇာလန်နိုင်ငံ၏ လူဦးရေကို အမြင့်ဆုံး ၁၀ သန်း အထိသာ ကန့်သတ်ထားရှိမည့် အဆိုပြုချက်အပေါ် လူထုဆန္ဒခံယူပွဲတစ်ရပ်ကို လာမည့် ဇွန်လ ၁၀ ရက်နေ့တွင် ကျင်းပသွားရန် စီစဉ်ထားကြောင်း သိရသည်။အဆိုပါ အဆိုပြုချက်ကို ဆွစ်ဇာလန်လွှတ်တော်၏ အင်အားအကြီးဆုံးဖြစ်သော လက်ယာစွန်း ဆွစ်ပြည်သူ့ပါတီ (SVP) က တင်သွင်းခဲ့ခြင်းဖြစ်ပြီး၊ နိုင်ငံအတွင်း ရွှေ့ပြောင်းဝင်ရောက်သူများကြောင့် လူဦးရေ အလျင်အမြန် တိုးပွားလာမှုကို ထိန်းချုပ်ရန် ရည်ရွယ်ခြင်းဖြစ်သည်။ အဆိုပါမူဝါဒအရ လူဦးရေ ၉.၅ သန်း သို့ ရောက်ရှိလာပါက အစိုးရအနေဖြင့် ပြည်ပနိုင်ငံသား ဝင်ရောက်မှုကို စတင်ကန့်သတ်ရမည်ဖြစ်ပြီး၊ ၎င်းကန့်သတ်ချက်တွင် ဒုက္ခသည်များနှင့် မိသားစုဝင်များ ပြန်လည်ခေါ်ယူနေထိုင်မှုများလည်း အကျုံးဝင်မည်ဖြစ်သည်။ SVP ပါတီသည် လူဝင်မှုကြီးကြပ်ရေးကိစ္စရပ်များတွင် သဘောထားတင်းမာသည့် ပါတီတစ်ခုဖြစ်ကြောင်း သိရှိရပါသည်။
ဆွစ်ဇာလန်လူဦးရေကို ၁၀ သန်းထက် မပိုစေရန် လူထုဆန္ဒခံယူပွဲဖြင့် ဆုံးဖြတ်မည်
Feb 15 • 5:57 AM
Myanmar
International
Share
 23 |  0 |  0 |  0 |
