ဗီယက်နမ်နိုင်ငံ မြောက်အလယ်ပိုင်း သန်းဟွာပြည်နယ်ရှိ နေအိမ်တစ်လုံးတွင် တရားမဝင် ကျားအရိုးကော် (Tiger bone paste) များ ချက်လုပ်နေသည့် အမျိုးသား နှစ်ဦးကို သောကြာနေ့ (ဖေဖော်ဝါရီ ၁၄၊ ၂၀၂၆) တွင် ပြည်နယ်ရဲတပ်ဖွဲ့က ဖမ်းဆီးတရားစွဲဆိုလိုက်သည်။ ရဲတပ်ဖွဲ့၏ ဝင်ရောက်စီးနင်းမှုအတွင်း အလေးချိန် ကီလိုဂရမ် ၁၅၀ ကျော်ရှိသော ကျားအရိုးစုများ၊ ကျားသားရေများနှင့် အရိုးကော်ချက်ရာတွင် အသုံးပြုသည့် ဆက်စပ်ပစ္စည်းများကို သိမ်းဆည်းရမိခဲ့သည်။ အဆိုပါအမျိုးသားများသည် မျိုးသုဉ်းပျောက်ကွယ်လုနီးပါးဖြစ်သော တောရိုင်းတိရစ္ဆာန်များကို တရားမဝင် ရောင်းဝယ်ဖောက်ကားခြင်းနှင့် အဖိုးတန်ရိုးရာဆေးအဖြစ် ယုံကြည်ကြသည့် ကျားအရိုးကော်များကို လျှို့ဝှက်ချက်လုပ် ရောင်းချခြင်းတို့ကြောင့် ပြင်းထန်သော ထောင်ဒဏ်ပြစ်ဒဏ်များ ရင်ဆိုင်ရဖွယ်ရှိနေသည်။
