ကချင်ပြည်နယ်၊ မြစ်ကြီးနားမြို့တွင် (၇၉) နှစ်မြောက် ပြည်ထောင်စုနေ့ အထိမ်းအမှတ် အခမ်းအနားကိုပြည်နယ်အစိုးရအဖွဲ့ ဦးဆောင်၍ နိုင်ငံတော်အလံတင်ပွဲ၊ သဝဏ်လွှာဖတ်ပွဲ၊ အားကစားပြိုင်ပွဲအမျိုးမျိုးကို ဖေဖော်ဝါရီ ၁၂ ရက်နေ့က ကျင်းပပြုလုပ်ခဲ့ကြောင်း သိရသည်။(၇၉)နှစ်မြောက် ပြည်ထောင်စုနေ့ အထိမ်းအမှတ် အခြေခံပညာ ထက်၊ လယ်၊ မူအဆင့် စာစီစာကုံး၊ ကဗျာနှင့် ကျပန်းစကားပြောပြိုင်ပွဲများတွင် ဆုရရှိသည့် ကျောင်းသား/ ကျောင်းသူများအား ဂုဏ်ပြုမှတ်တမ်းလွှာနှင့် ဂုဏ်ပြုချီးမြှင့်ငွေများကိုတာ၀န်ရှိသူများကပေးအပ်ခဲ့ကြောင်းသိရသည်။အားကစားလှုပ်ရှားမှုအဖြစ် Zumba Festival စုပေါင်းအက၊အမျိုးသမီးအလွတ်တန်း ဖူဆယ်ဘောလုံးပြိုင်ပွဲ၊ရိုးရာခြင်းလုံးအလှခတ်ပြိုင်ပွဲ၊ အလွတ်တန်းဘိလိ ယက်နှင့်စနူကာပြိုင်ပွဲ၊ရေကူးပြိုင်ပွဲ၊အလွတ်တန်းစစ်တုရင်ပြိုင်ပွဲ၊ကလေးငယ်များအတွက် ခေါင်းအုံးရိုက်၊ အားလူကောက်၊ ဂုံနီအိတ်စွတ်အပြေးပြိုင်ပွဲ၊ မီတာ ၁၀၀ နှင့် မီတာ ၂၀၀ အပြေးပြိုင်ပွဲများ၊ ဘောလုံးပစ်ဖမ်းပြိုင်ပွဲ၊ အဆိုပါအားကစားပြိုင်ပွဲများတွင် ဆုရရှိသူများကို တာဝန်ရှိသူများက ဆုများပေးအပ်ခဲ့ကြောင်း သိရသည်။
