မန္တလေးငလျင်မှာ လူသေဆုံးမှုများပြားခဲ့တဲ့ Sky Villa ကွန်ဒိုပိုင်ရှင် ဦးနိုင်ထွန်းလင်း ကို ဖေဖော်ဝါရီလ ၁၀ရက်က အောင်မြေသာစံမြို့နယ်တရားရုံးမှာ တရားစွဲဆိုထားတယ်လို့ ဒေသတွင်းသတင်းရင်းမြစ်က သိရပါတယ်။
မန္တလေးမြို့၊ အောင်မြေသာစံမြို့နယ်၊ အမှတ်၊(၁) နယ်မြေရဲစခန်းတွင် ပုဒ်မ ၃၀၄-က နဲ့ အမှုဖွင့်ဖမ်းဆီးထားပြီးနောက် တရားစွဲဆိုခဲ့တာ ဖြစ်တယ်လို့ သိရပါတယ်။Sky Villa တည်ဆောက်ခဲ့တဲ့ NTL Construction Company မှ MD ဦးနိုင်ထွန်းလင်းရဲ့ဇနီး ဒေါ်သက်သက်ခိုင်တို့ ပါဝင်တဲ့ အဖွဲ့က ကွန်ဒိုပြိုကျမှုမှာ အသက်ဆုံးပါးသွားကြသူ တစ်ဦးကို ကျပ်သိန်းတစ်ရာစီ ထောက်ပံ့ကြေးပေးအပ်ပြီး တောင်းပန်မှုပြုလုပ်တဲ့ အခမ်းအနားကို ၁၉ လမ်း ၊ မုန်တိုင်ဇရပ်မှာ ကျင်းပပြုလုပ်ခဲ့ပါတယ်။အောင်မြေသာစံမြို့နယ် ၊လမ်း၆၀ ၊၂၁လမ်းနှင့်၂၂လမ်းကြားရှိ Sky Villa ၁၁ထပ်ကွန်ဒို ပါဝင်တဲ့ အဆောက်အအုံတွေဟာ ၂၀၂၅ ခုနှစ် ၊ မတ်လ ၂၈ ရက်မှာ လှုပ်ခတ်ခဲ့တဲ့ ငလျင်ဒဏ်ကြောင့် ပြိုကျမှုဖြစ်ပွားခဲ့ရာ ရုပ်အလောင်းနှစ်ရာကျော်တွေ့ရှိထားတဲ့အထိ လူသေဆုံးမှုများပြားခဲ့တဲ့ကွန်ဒို ဖြစ်ပါတယ်။
