ပြည်ပသို့ တရားဝင် အလုပ်သွားရောက် လုပ်ကိုင်မည့်သူများအနေဖြင့် OWIC (အလုပ်သမား သက်သေခံကတ်) ဖိုးငွေကို မတ်လ ၁ ရက်မှစတင်ပြီး မြန်မာ့စီးပွားရေးဘဏ်မှ ပေးသွင်းရမည်ဖြစ်ကြောင်း သိရသည်။ယင်းအပြင် OWIC ကတ် အသစ်ပြုလုပ်ခြင်း၊ ပျောက်ဆုံး/ပျက်စီး ဒဏ်ကြေးများကိုလည်း မြန်မာ့စီးပွားရေးဘဏ်မှ ပေးသွင်းရမည်ဖြစ်ပြီး OWIC ကတ်ဖိုး ၅၆၀၀ ကျပ်နှင့် ပျောက်ဆုံး/ပျက်စီးပါက ဒဏ်ကြေး နှစ်သောင်းနှစ်ထောင့် လေးရာကျပ်ပေးသွင်းရမည်ဖြစ်ကြောင်း သိရသည်။OWIC ကတ်ဖိုးငွေများကို ငွေစာရင်းအမှတ် OA-013904 သို့ ပေးသွင်းပြီးပါက ငွေပေးသွင်းသည့် ငွေလွှဲလျှောက်လွှာ (မူရင်း)နှင့်အတူ မိတ္တူတစောင်ယူဆောင်ပြီးအလုပ်သမားညွှန်ကြားရေး ဦးစီးဌာန၊ ကျွမ်းကျင်မှုလေ့ကျင့်ရေး သင်တန်းကျောင်း (မြောက်ဒဂုံ)ရှိ OWIC ကတ် ထုတ်ပေးရေးစင်တာတွင် သွားရောက်လုပ်ဆောင်ရမည်ဖြစ်ကြောင်း သိရသည်။ငွေစာရင်းအမှတ် မှားယွင်းပေးသွင်းခြင်း၊ ငွေလွှဲလျှောက်လွှာ မမှန်ကန်ခြင်း၊ ငွေလွှဲလျှောက်လွှာ (မူရင်း) ပြသနိုင်ခြင်းမရှိပါက OWIC ကတ်ကို ထုတ်ပေးမည်မဟုတ်ကြောင်း သိရသည်။
