ရှမ်းပြည်နယ်၊မူဆယ်တွင် တရုတ် ကျားဖြန့်သမား ထောင်ချီ ရှိနေဆဲဖြစ်

ရှမ်းပြည်မြောက်ပိုင်း၊ မူဆယ်မြို့တွင် ကျားဖြန့်လုပ်ငန်း လုပ်ကိုင်နေသည့် တရုတ်နိုင်ငံသား ထောင်နှင့်ချီ၍ ရှိနေဆဲဖြစ်ကြောင်း ယင်းလုပ်ငန်းနှင့် နီးစပ်သည့် သတင်းရင်းမြစ်များထံမှ သိရသည်။“ကျားဖြန့်အပြင် မူးယစ်ဆေးဝါး ယာမတွေကို ထုတ်လုပ်တာ ရောင်းချတာတွေလည်း ရှိတယ်။ အဲဒီ မူးယစ်ဆေးဝါးတွေကို ခွဲတမ်းနဲ့ ကျားဖြန့်လုပ်တဲ့လူတွေကို ပြန်ရောင်းတာမျိုးလည်း လုပ်ကြတယ်။ သိရသလောက် စာရင်းတွေအရဆို တရုတ်တွေ စုစုပေါင်း ၂ ထောင်ကျော် ရှိတယ်။ မြန်မာနိုင်ငံသားတွေကတော့ အတိအကျ မသိပေမယ် သောင်းဂဏန်းထိရှိတယ်”ဟု ကျားဖြန့်လုပ်ငန်းနှင့် နီးစပ်ဖူးသူ သတင်းရင်းမြစ်တစ်ဦးက ပြောသည်။ားဖြန့်ရုံများအတွင်း တရုတ် - မြန်မာ ဘာသာစကား ၂ မျိုးတတ်ကျွမ်းသူများကို လုပ်ငန်းရှင်များက လစာအဖြစ် တရုတ်ယွမ်ငွေ ၂ သောင်းအထိ ပေးထားကြောင်း သိရသည်။"လစာက မတူကြဘူး ကျမတို့က တရုတ်ငွေ ၂ သောင်းရတယ်။ သတ်မှတ်ချက် မပြည့်လို့ အရိုက်ခံရတာတွေလည်း ရှိတယ်၊ သေတဲ့အထိ အရိုက်ခံရတာမျိုးတော့ ကိုယ်တိုင် မမြင်ရပေမယ့် သတင်းတွေ ကြားရတယ်။ တချို့ဂရုဆို သတ်မှတ်ချက်ပြည့်ဖို့ ဆေးချပြီး နေ့နေ့ညည လုပ်ကြတာ။ အခုတော့ ပြန်မသွားတော့ဘူး၊ အပြီး ပြန်လာလိုက်တာ ကြောက်တယ်လေ” ဟု မူဆယ် ကျားဖြန့်လုပ်ငန်းတွင် လုပ်ကိုင်ဖူးသူ အမျိုးသမီးတစ်ဦးက ပြောပါသည်။