အာရှ၏လူမမာဟု အမည်တပ်ခံထားရသည့် ထိုင်းနိုင်ငံကို ကျွမ်းကျင်ပညာရှင်များဖြင့် ကုစားမည်ဟု အနုတင် ကတိပြု

ဘွန်ဂျိုင်ထိုင်းပါတီ ခေါင်းဆောင် အနုတင် ချန်ဗီရာကူးလ် က ၎င်းတို့ပါတီ အနိုင်ရရှိပါက ထိုင်းနိုင်ငံ၏ အုပ်ချုပ်ရေးကဏ္ဍတွင် အတွေ့အကြုံရင့်ကျက်သည့် ပညာရှင်အဖွဲ့ဖြင့် "ကုစား" သွားမည်ဖြစ်ကြောင်း ရွေးကောက်ပွဲမတိုင်မီ နောက်ဆုံးမဲဆွယ်ပွဲ၌ ကတိပြုပြောကြားလိုက်သည်။ အနုတင်က အစိုးရအဖွဲ့သည် အတွေ့အကြုံမရှိသူများအတွက် စမ်းသပ်ကွင်းမဟုတ်ကြောင်းနှင့် ၎င်းတို့အနေဖြင့် စီးပွားရေး၊ နိုင်ငံခြားရေးတို့ကို အဓိကကိုင်တွယ်မည့် အုပ်ချုပ်ရေးအဖွဲ့ကို ဖွဲ့စည်းသွားမည်ဟု ဆိုသည်။