အမေရိကန်မပြန်ခင် မဲလာပေးတဲ့ ပီတာ၊ ချစ်သူရှိနေပြီလို့ မီဒီယာတွေကို ပြောကြား

ပီတာလင်ဂျာရွန်ရတ်က အမေရိကန်နိုင်ငံကို ပြန်မသွားခင် မဲလာပေးခဲ့ပြီး ထိုင်းပြည်သူတွေ မဲပေးကြဖို့ တိုက်တွန်းခဲ့ပါတယ်။ မီဒီယာတွေက သူ့ရဲ့ အချစ်ရေးနဲ့ ပတ်သက်ပြီး အတင်းမေးမြန်းရာမှာတော့ ချစ်သူကောင်မလေး ရှိနေပြီလို့ ဖြေကြားခဲ့ပါတယ်။၂၀၂၆ ခုနှစ်၊ ဖေဖော်ဝါရီလ ၈ ရက်နေ့ မနက် ၇ နာရီ ၄၅ မိနစ်အချိန်မှာ ပြည်သူ့ပါတီ (People’s Party) ရဲ့ မဲဆွယ်စည်းရုံးရေး အကူဖြစ်သူ ပီတာဟာ ဘန်ကောက်မြို့၊ ဝပ်ထနာခရိုင်၊ ခလောင်တန်နွံရပ်ကွက်က မဲရုံအမှတ် ၇ (EmQuartier ကုန်တိုက်ရှေ့ Government Savings Bank ဘဏ်ခွဲ) ဆီကို ရောက်ရှိလာပြီး မဲပေးခဲ့တာ ဖြစ်ပါတယ်။