စင်ကာပူလေဆိပ်တွင် ၂၄ နာရီကြာ ထိန်းသိမ်းခံရပြီး ပြည်နှင်ဒဏ်ပေးခံရသည့် ထိုင်ဝမ် Influencer ၏ ဖြစ်ရပ်

ထိုင်ဝမ်နိုင်ငံမှ နာမည်ကြီး Influencer တစ်ဦးဖြစ်သူ Fang Qiyuan (ခေါ်) "Sprite" သည် ပြီးခဲ့သည့် ၂၀၂၅ ခုနှစ် အောက်တိုဘာလအတွင်းက စင်ကာပူ F1 ပြိုင်ပွဲကြည့်ရှုရန် လာရောက်စဉ် လေဆိပ်၌ပင် ဝင်ခွင့်ငြင်းပယ်ခံရပြီး ၂၄ နာရီကြာ ထိန်းသိမ်းခံခဲ့ရသည့်ဖြစ်ရပ်ကို မီဒီယာများသို့ ဖွင့်ဟပြောကြားခဲ့သည်။ သူမ၏ လက်ကိုင်ဖုန်းနှင့် အိတ်များကို စစ်ဆေးခံခဲ့ရပြီးနောက် တစ်ညတာ ထိန်းသိမ်းခံခဲ့ရခြင်းဖြစ်ကာ၊ OnlyFans Creator တစ်ဦးဖြစ်သဖြင့် ဖုန်းထဲရှိ ဓာတ်ပုံများကြောင့် ပြည်နှင်ခံရခြင်းဖြစ်သည်ဟူသော ကောလာဟလများကို သူမက ငြင်းဆိုထားပြီး ယခင်က စင်ကာပူသို့ မကြာခဏ လာရောက်ဖူးသော်လည်း ယခုတစ်ကြိမ်တွင် အဘယ်ကြောင့် ဝင်ခွင့်ပိတ်ပင်ခံရသည်ကို တိတိကျကျ မသိရှိရသေးကြောင်း ဆိုသည်။ ယခုဖြစ်ရပ်ကြောင့် သူမအနေဖြင့် စိတ်ပိုင်းဆိုင်ရာ ပြင်းထန်စွာ ထိခိုက်ခဲ့ပြီး စိတ်ကျန်းမာရေးကုသမှု ခံယူခဲ့ရကာ၊ လက်ရှိတွင် အခြေအနေ ပြန်လည်ကောင်းမွန်လာပြီဖြစ်ကြောင်းနှင့် နိုင်ငံခြားခရီးသွားသူများအနေဖြင့် လဝက စစ်ဆေးမှုများတွင် အခက်မတွေ့စေရန် ဖုန်းအတွင်းရှိ အချက်အလက်များကို သတိထားသင့်ကြောင်း အကြံပြုဝေမျှထားပါသည်။