ရှမ်းယူနိုက်တက်အသင်း I.S.P.E ကို ၄ ဂိုးပြတ်ဖြင့်အနိုင်ယူပြီး မြန်မာနေရှင်နယ်လိဂ် ရာသီဝက်ချန်ပီယံအဖြစ် ထိပ်ဆုံးမှရပ်တည်

၂၀၂၅-၂၀၂၆ ခုနှစ် မြန်မာနေရှင်နယ်လိဂ် ပထမအကျော့ နောက်ဆုံးပွဲစဉ်များကို ဇန်နဝါရီ ၆ ရက် ညနေပိုင်းက ယှဉ်ပြိုင်ကစားခဲ့ရာ ရှမ်းယူနိုက်တက်အသင်းသည် I.S.P.E အသင်းအား ၄ ဂိုး - ဂိုးမရှိဖြင့် အပြတ်အသတ်အနိုင်ရရှိပြီး ရာသီဝက်ချန်ပီယံအဖြစ် ဂုဏ်ယူစွာရပ်တည်နိုင်ခဲ့သည်။ အဆိုပါအနိုင်ရလဒ်ကြောင့် ရှမ်းယူနိုက်တက်အသင်းသည် အမှတ်ပေးဇယားထိပ်ဆုံးတွင် အခိုင်အမာနေရာယူနိုင်ခဲ့ခြင်းဖြစ်ပြီး ရာသီဝက်ချန်ပီယံဆုနှင့်အတူ ရာသီကုန်ဆုံးချိန်တွင်လည်း ချန်ပီယံဖလားကို ဆက်လက်ထိန်းသိမ်းနိုင်ရန် ရည်မှန်းထားကြောင်း အသင်းဘက်က အသိပေးထုတ်ပြန်ထားပါသည်။